"АДАЛ АЗАМАТ – АДАЛ ЕҢБЕК – АДАЛ ТАБЫС"

Қоғамда адал азамат¬тың қалыптасуы өзінің тұла бойына сабырлылық, әдептілік, тазалық, әділет сүйгіштік, мейірім, ізгілік, қайырымдылық, ақ ниет-тілік, жанашырлық, қамқорлық секілді адамгершіліктің кіршіксіз қасиет¬терін тұндырып өсуінен, санасына сіңдіріп үйренуінен бастау алмақ. Ондай адамнан ешқашан қиянат шықпайды. Қатар жүрген досыңның әрбір табысына, қарапайым адами бақытына қуану – ол да адалдық. Ата-анаңның ақ сүтін ақтап, қартайғанда қамқор болу – перзенттік адалдық. Кісі ақысына көз алартпай, тіршіліктегі несібеңді шынайы еңбек, маңдай теріңмен табу – адамгершілік адалдығың. Егемен еліңнің ертеңіне енжар қарамай, ұлттық болмысыңды шыңдау – нағыз азаматтық адалдық. Осы орайда, мектебіміздің 1-11 сынып оқушыларына  бүгін ІІ тоқсанның «Адал азамат – Адал еңбек – Адал табыс» атты адалдық сағаты өткізілді.